SJPONZERS
EËSVOLGENDE AKTIVITEIT BESSEMEBÈNJERS

Borse Bessemzitting-Leedjeskonkoer
12 jannewarie 20.11 oer
Gemeinsjapshoes

Aaftélle

 

Optochreglemènt 2019

 

De insjríéver enof deilnummer aan de optochte verklaore kénnis te höbbe genómme van de inhauwt van ‘t optochreglemènt en zich hauwte aan de veurwaerde en dees nao te laeve op sjtraove van oetsjloeting.
De Vastelaovesvereniging de Bessemebènjers aanvaare gein énkele aansjprakelikheid veur de deilnummers geleje sjaaj enof ónvalle, eswie veur de deilnummers aan dríede toegebrachte sjaaj.
Alle deilnummers zeen zèlluf verantwoordelik en numme aan de optochte mit hun daobéí gebrúúkte middelen geheël deil op eige reezekoo.

Óm eine gooije doorsjtreum nao de opsjtelplèk, noordkèntj van Aquarius, te verzekere is 't verzeuk aan de deilnummers 2 t/m 11 aan te rieje vanoet de Vespasianus en de deilnummers vanaaf 12 en hoager vanoet de Castor. Loer svp ens nao ongersjtaond plaetje.

 

 

1.    Alle deilnummers die mitdoon waere beoordeild door de zjurie en mótte zich tösje 11.11 oer en uterlik 12.11 oer melje bie 't nummer of lètter aafhaole in kafée “de Sjoester” (ósse Tempel). Van te veure mót bie ’t Optochkómmetee al 't teemaa, idee, naam, i-meiladres en tillefoonnummer doorgegaeve waere. Alle deilnummers mótte óm uterlik 14.00 oer op de plaats van de opsjtèlling, Aquarius (noordkèntj), vaerdig sjtaon zoadat de optoch óm 14.11 oer kènt vertrèkke. ’t Deilnummersnommer sjteit oppe sjtoep gekriet.

2.    De hermenie äöpent d’n optoch. Daonao volg de rest van de deilnummers. De Prinsewage(s) sjtèlle zich oppe defielee-plaats aan de Claudius op. De prinse en de Raod van Èlluf zulle de deilnummers dao begroete, woa-nao de deilnummers hun kreasie kènne veursjtèlle. De deilnummers maoge gein groate gate laote valle.

3.    ’t Gebroek van zandj, zaegsel, mès, sjtickers, pepiere sjlierte oet versjnippermesjien of plastiek of allemienijóm konfettiesjnippers en ’t gebrouk van een konfettiekenón is door de gemeinte Zitterd-Gelaen-Bor verbaoje. Euvermatig alkoholgebroek is verbaoje. Sjofeurs mótte alkohol en verdeuvende middele vrie blieve. Drank maog neet genuttig waere oet glaas.

4.    Aansjtoatgaevende krejasies euver religieuze en angesdènkende zeen verbaoje. Krenkende of ónsmakelikke oetbeeldinge zeen auch verbaoje. Aope vuur of gebroek van vuurwerk is ten sjtrengste verbaoje.

5.    Van te veure neet aangemelde reklaam en/of ’t mitveure van deere kènt tot oetsjloeting leije.

6.    Maksimum sjnelheid in de optochte is 5 km per oer. Zörreg veur eige- en anger-deilnummersveiligheid en brèng gein sjaaj toe aan pebliek of ómgaeving. Neet te väöl luuj oppe wagens, dènk aan val beveiliging, kènjer ónger de 14 jaor oppe wage begeleide door volwassene. Geine angere op de trekker dan de sjofeur.

7.    De optochnummers of lètters mótte good zichbaar zeen.

8.    Oppe plaats van de ònbènjing aangekòmme, sjtèlle alle deilnummers zich op (in de vorm van eine sirkel). De prinsewage geit (in ’t midde) sjtaon en van dao-oet waere de prieze bekènd gemaak.

9.    Volg de aanwiezinge van de pliesie,’t optochkómmetee of Raod van Èlluf good op. Zie zeen degene die alles in gooj baane leije.

10.    De zjurieoetsjlaag is bènjend. Dao kènt neet teage geprottesteerd waere.

11.    De Raod van Èlluf beslis euver zaake woa-euver in dit vastelaoves-optochreglemènt neet is  veurzeen.

 

Klik hie veur de offisijeële versie




Reageer op dit bericht:

Je bent niet ingelogged, klik hier om in te loggen
Gebruikersnaam:
Bericht:
Toevoegen:
Klik het gekleurde logo aan om het bericht toe te voegen:
1234