SJPONZERS
EËSVOLGENDE AKTIVITEIT BESSEMEBÈNJERS

Verkoup van 'de Bessem'
16 fibberwarie vanaaf 09.00 oer
Gans dörp

Aaftélle

 

In de Middelieëwe woorte d’r zoagenaamp ómmegange gemaak mit sjeepswages, zègk mêr Blauw Sjuute en dansende luuj. Dees tochte greujde oet tot kómplete sjtoete van vastelaoveszotte.


In versjillende dörpe en sjtaej leidde dat tot de oprichting van gildes van sjeepswages. Hie is de invloed van ‘t Rienlanjd sjterk mirkbaar. Das Militär besjtömpde namelik de samelaeving in de 19e ieëw en de seldaote heele geregeld parades óm te prónke. De ómmegang waor dus ein satiriese paraad.


De ènnige sjuut die is blieve besjtaon is de Blauw Sjuut oet Heërle, dae in de waek veur de Vastelaovend langs versjillende ‘haves’ in de sjtreek ‘veurt’ óm de Vastelaovend aan te kondige. In 1992 haet de Blauw Sjuut ouch Bor aangedaon.


De orgenesatie van de Borse vastelaovesoptocht is sinds 1992 in henj van ‘t Optochkómmitee. 

Dat is 't jaor naodat in Bor geine vastelaovesoptoch getrókke haet. Op 22 jannewarie 1991 besjloot ‘t SLV (Samenwirkende Limburgse Vastelaovensvereiniginge) in naovolging van o.a. Kölle, Düsseldorf en Aoke vanwaege de Golfaorlog alle vastelaoves-boette-aktieviteite te sjrappe.

 

Leeje van ‘t Optochkómmetee tot 2004 zeen: Broer van Pey, Wil Leurs, Huub Smeets, Jacq Wennakers, Joost Heffels en Hub Hermans.


‘t Optochkómmetee besjtuit noe oet 4 luuj, mêr wurt in de organisasie en oetveuring biegesjtaon door de vastelaovesvereiniging en väöl anger vriewilligers. Zoa is d’r ‘n apaarte zjurie, fillemploog en zeen der versjlaaggaevers, verkeërsregelaers, sjefeurs en kollektante.


Leeje van ‘t Optochkómmetee vanaaf 2004 zeen: Thei Jennen, Martijn de Kock en Thei Schulkens. In deese tied zeen auch lid gewaes: Harrie Hochstenbach, John Keulen en Guido Ceelen. Vanaaf 2009 is Felix Douven de 4e vaste krach.

 

 

Tot 2009 woort in samenwirking mit de pliessie ’t optochverkeër geregeld. Toen dees d’r mit oetsjeidde kaome Adrie van Schijndel en Walter en Dirk de Daas es vaste verkeërregelaers op de proppe.

 

In 2015 besjtóng ’t Optochkómmetee 22 jaor, wovan Thei Jennen, Martijn de Kock en Thei Schulkens noe 11 jaor de kar trèkke. Adrie, Walter en Dirk zeen inmiddels gepênsjeneerd en vervange door Hans Grijsbach en Robert Demandt es vaste verkeërregelaers.




Reageer op dit bericht:

Je bent niet ingelogged, klik hier om in te loggen
Gebruikersnaam:
Bericht:
Toevoegen:
Klik het gekleurde logo aan om het bericht toe te voegen:
1234