SJPONZERS
EËSVOLGENDE AKTIVITEIT BESSEMEBÈNJERS

Leedjeskonkoer, Seniejore- en Prinsoetreuping
Zaoterdig 6 jannewarie óm 20.11 oer 
Gemeinsjapshoes

Aaftélle

Seniejoreprins Edwin I Colee 2017

 

 

Tot Seniejoreprins van de Bessemebènjers is oetgerope Edwin Colee

Hae zal regere es Prins Edwin I

 

 

 

Edwin, eine awt Èngelsje naam: “Bewaker van het erfgood”, woord gebaore op 31 meërt 1945 oppe Keuningsjtraot, sjmörges óm 11 op 11 ónger ‘t sjterrebeeld Ram es Edwin, Antonius, Gerardus, Marie Colee.

Hae greude dao op es jóngste in ‘n gezin mit 4 kènjer. Op oetneuëdiging van de Meterfabriek Dordrecht vertrok hae nao de groate sjtad Zjwolle óm ein filiaal te äöpene veur hoeshoudelikke apparatuur. In de tösjetied trouwde hae mit Annelies, ‘t sjoanste maedje van Auwt-Gelaen, en same krege ze ein dochter: Yvette die al sjnel vertroch nao ‘t gebaortedörp van heure  pap en dao trouwde mit Jos Hoedemakers, eine jóng oet de Hennekuilsjtraot.

Door zakelikke kontakte woord Edwin gevraog óm bie vastelaoves-vereiniging de Eileuvers te kómme en ómdat ‘t vastelaovesgeveul  Edwin neet los leet woord hae in 1975 oetgerope es Sjtadsprins van Zjwolle. Dat waor ein groate eër óm te maoge regere euver ein sjtad van 100.000 inwoners.

Nao 35 jaor gewirk te höbbe bie Duni woorte Edwin en zien vrouw Annelies trökgerope óm op de kleinkènjer Laura en Jasper te passe. Eës in Bor en noe in Obbeeg.

Jasper is in 2014 Jeugprins gewaes van De Reube in Obbeeg, dus ‘t vastelaovesblood zit in de femielie. Helaas haet Annelies dit neet meër gans maoge mitmake want zie overleed 3 daag nao de oetroping van Jasper.

Noe woonter same mit ziene hóndj, Indy, oppe Tuinsjtroat nómmer 7. Same loupe ze heël get kielemeëters aaf. Auch deit Edwin gaer tuiniere en aaf en toe ‘ns mithelpe in de zaak van ziene sjoanzoon en dochter, Limburg Vloeren.
De euverige tied spendeert ter aan vakansies en lekker kaoke. 

 

Prins Edwin is d’r gans klaor veur en zal zien liefsjpreuk kómmende tied euveral laote heuëre:

 

Same mit uch luuj van Bor

De vastelaovend viere

Mit väöl sjpas, lol en plezeer

Ónger leijing van De Bessemebènjers

Die dees daag veurop loupe in jedere polonaise

Oppe meziek die gesjpeeld geit waere door de kepel.

 

Alaaf, Alaaf, Alaaf




Reageer op dit bericht:

Je bent niet ingelogged, klik hier om in te loggen
Gebruikersnaam:
Bericht:
Toevoegen:
Klik het gekleurde logo aan om het bericht toe te voegen:
1234